Cyngor ar Sychder i Badlwyr

Cyngor i Badlwyr

Rydym yn argymell eich bod yn ystyried y camau gweithredu canlynol er mwyn lleihau’r risg i chi a’r amgylchedd naturiol: 

• Peidiwch â phadlo ar ddyfrffyrdd sy’n rhy fas a lle gallech ddod i gysylltiad â gwely’r afon neu’r llyn. Gallai hyn gael effaith bosibl o darfu ar fywyd gwyllt a’u cynefinoedd neu ddenu honiadau o aflonyddu.

• Os dewch ar draws ardaloedd basach, darllenwch y dŵr a chwiliwch am sianel ddyfnach lle bo’n bosibl fel eich llwybr.

• Mae llif isel yn golygu bod llai o ddŵr i wanhau elifiant/dŵr ffo o’r tir o amgylch a gwaith trin carthion. Byddwch yn ymwybodol y gall lefelau is o ansawdd dŵr fod yn berygl i iechyd.

• Byddwch yn ymwybodol o algâu gwyrddlas gwenwynig a all fod yn fwy cyffredin ar adegau o lif/maint dŵr isel.

• Defnyddiwch y dŵr yn gynnil i olchi eich offer wrth ddilyn y canllawiau Atal y Lledaeniad/ Gwirio, Glanhau a Sychu (bioddiogelwch). Os oes gwaharddiad ar bibellau dŵr yna caniateir defnyddio pibell ddŵr ar gyfer mesurau bioddiogelwch ac iechyd a diogelwch mewn darpariaethau  o dan Orchymyn Defnyddio Dŵr (Gwaharddiadau Dros Dro) 2010.

• Rhowch wybod i’r awdurdodau perthnasol am ddigwyddiadau, llygredd a difrod i’r amgylchedd megis marwolaethau pysgod:

Cyfoeth Naturiol Cymru ar gyfer llygredd a marwolaethau pysgod, ffôn-  0300 065 3000

Yr Ymddiriedolaeth Camlesi ac Afonydd/Glandŵr Cymru Tu allan i oriau Gwaith 0303 040 040

RSPCA ar gyfer bywyd gwyllt ac anifeiliaid mewn trallod 0990 55 59 99

I gael rhagor o wybodaeth yng Nghymru, cysylltwch â phil.stone@canoewales.com